Qeveria Shqiptare ka vendosur që këtë fillim viti të rrisë pagat e mësuesve. Së fundmi është zbardhur vendimi se si do të rriten rrogat e arsimtarëve në varësi të pozicionit që ata kanë në sistemin arsimor.
Mësohet se rritja nuk do të jetë e njëjtë, por do të bëhet në shtesën sipas pozicionit të punës.
Ndërkohë ditën e djeshme Ministrja e Arsimit Evis Kushi në një postim në rrjetet sociale, Kushi ka publikuar grafikën, ndërsa shkruan se 2021 do të nisë mbarë për mësuesit, pasi pagat e tyre do të rriten me 15%.
Sipas grafikës viti 2021 shënon edhe rritjen më të madhe të pagës për arsimtarët, krahasuar me vitet e kaluara.
“Viti 2021 fillon mbarë edhe me rritjen e pagës së mësuesve prej 15%! Puna e palodhur, përkushtimi dhe sakrificat e pareshtura të çdo mësuesi në vend do të kenë gjithmonë vëmendjen tonë! Mirënjohje për secilin!”, shkruan Kushi.
