Të kapur për dore në një shtrat, ky çift i moshuar ishte në gjendje t’i jepnin lamtumirën njëri-tjetrit.
Sipas mediave të huaja, Gerry Jarrett, 79 vjeç dhe gruaja e tij Barbara, 76 vjeçe, kanë qenë në pavijone të ndara në Spitalin Frimley Park, Surrey – Angli, pasi u shtruan në spital 2 javë më parë për shkak të koronavirusit.
Kur gjendja e Jarrett u përkeqësua të martën, spitali lejoi çiftin nga Bracknell, Berkshire, të kalonin pak kohë së bashku.
Lexo edhe:
Duke përshkruar bashkimin e tyre, vajza e tyre Chloe Keljarrett tha për BBC: ‘Babai ishte në karrocë, duke qarë, i preku dorën dhe ajo hapi sytë menjëherë. Ajo u zgjua dhe mundi të fliste’, transmeton Abc.
Keljarrett tha se prindërit e saj ishin bashkë për 50 vite dhe falënderoi spitalin që lejuan që babai i tyre të ndante më shumë momente me gruan e tij.
Ajo shtoi se babai i saj po tregonte shenja përmirësimi por kishte ende ‘një udhëtim shumë të gjatë për të bërë deri në fund’.
