Përfaqësuesi i koalicionit “Shtëpia e Lirisë” Çlirim Gjata akuzoi kryetarët socialistë në bashkinë e Dibrës se e kanë lënë atë në mëshirë të fatit. Në një bisedë me Skype nga Dibra me emisionin “Publikisht” në RTSH, ai deklaroi se në më pak se 7 vite në këtë bashki janë ndërruar 6 kryetarë që sipas tij nuk kanë bërë asgjë për qytetarët e Dibrës.
Ai përmendi disa raste duke u shprehur se kryetari i fundit la bashkinë për një mandat deputeti pavarësisht detyrimit ndaj qytetarëve që i dhanë votën ndërsa shtoi se kandidati me të cilin PS kërkon ta rimarrë këtë bashki nuk është rezident në këtë qytet por qëndron i akomoduar në një hotel.
“Më pak se 7 vjet, 6 kryetarë bashkie socialistë. Një mandat është katër vjet. A e imagjinoni se çfarë menaxhimi është bërë këtu. Një ka ikur me skandale, një tjetër ka ardhur me skandale. Një kandidat që erdhi dhe u votua tha unë po shkoj deputet, e la atë punë. Pa përgjegjësi për detyrën e tij. I gjashti ka ardhur nga Tirana. Fle në hotel. Në të njëjtin hotel ku fle edhe unë”, tha Gjata.
Lexo edhe:
Ai e cilësoi Dibrën si bashkinë me borxhin më të madh duke shtuar se kjo çështje duhet të hetohej. Gjata u ndal te burokracitë dhe ecejaket që sipas tij duhet të bëjnë qytetarët për kryerjen e disa procedurave, për shkak të mungesës së menaxhimit nga ana e kryetarëve të bashkive.
“Në çfarë gjendje është bashkia me borxhin më të madh. Ku kanë shkuar ato para. Treçereku i rrugëve të Dibrës janë totalisht me baltë, as zhavorr nuk ka. Është një fshat në Dibër që është zgjedhur një nga 100 fshatrat turistike. Para dy vitesh ka qenë edhe ministri i Turizmit ka fjetur një natë. Është një mjerim dhe varfëri. Asnjë investim. Për një problem shëndetësor duhet të shkojnë në Maqellarë 5 km larg, duhet të kalojnë përmes Peshkopisë dhe pastaj ecin edhe gjysmë ore dhe shkojnë në Maqellarë. Po bëja në Peshkopi 6 kryetarë.
Kanë bërë terminalin e autobusëve. Duhet të vijnë në këmbë, Të kalojnë përmes Peshkopisë. Dhe të dalin në një fshat tjetër për të shkuar në Tiranë. Kur mund të ndaleshin në Peshkopi. Pa shkuar te Skavica që përmbysë fshatrat e Dibrës. Nuk po flasim për varre. Pse? Sepse janë 1 mln euro që duhet të pastrojnë duke hequr Dibrën nga harta. Drejtorët lart i vendos Edi Rama”, deklaroi ai.
