John Mulaney dhe Olivia Munn prezantuan djalin e tyre. Në prag të Krishtlindjeve, komediani dhe aktorja konfirmuan përmes rrjeteve sociale ardhjen në jetë të fëmijës së tyre të parë, Malcolm Hiệp Mulaney.
“Njihuni me Malcolm Hiệp Mulaney. Ai e ka gjithë jetën përpara.”, shkroi ai mes të tjerash duke thënë se është i dashuruar pas tij. Ndërsa aktorja shkroi: “Fëmija im Golden Ox. Malcolm Hiệp Mulaney. Gëzuar festat.”
Mediat raportuan pak ditë më parë se çifti i famshëm ishin bërë prindër të një djali me 24 Nëntor por e kishin mbajtur të fshehtë. Ky është fëmija i parë për Mulaney dhe 41-vjeçaren, të cilët filluan të takoheshin në fillim të këtij viti.
