Ermal Mamaqi do jetë i ftuari i rradhës i Startup Grind Tirana në një tjetër event të organizuar që do të mbahet sot tek Hotel Plaza. Ky event premton të edukojë, të frymëzojë dhe të krijojë hapësirë për networking për të gjithë sipërmarrësit e rinj, por jo vetëm.
Ermali do të flasë gjërësisht rreth rrugëtimit të tij të suksesshëm si një sipërmarrës tanimë shumë i njohur dhe i konsoliduar në Shqipëri në një bashkëbisedim që do të drejtohet nga Aneida Bajraktari Bicja drejtuese e Startup Grind Tirana si dhe bashkë themeluese dhe CEO e Balkans Capital.
Vip Magazine vjen këtë herë si media partner i Startup Grind Tirana në mbështetje të këtij eventi të rëndësishëm dhe ftojmë të gjithë sipërmarrësit e rinj që na ndjekin besnikërisht të mos e humbasin këtë mundësi, por të nxitojnë e të rezervojnë biletën e tyre me kodin promocional VIP2021 për të përfituar 50% ulje ose duke klikuar këtu.
Po çfarë është Startup Grind Tirana?
Startup Grind Tirana është aktiviteti i parë për rrjetëzim (networking) në Shqipëri dhe komunitet që edukon, frymëzon dhe vë në kontakt të drejtëpërdrejtë sipërmarrësit e rinj që kanë krijuar startup-et e tyre apo njerëz me ide biznesi me biznesmenë të konsoliduar në fushën e biznesit në Shqipëri dhe profesionistë të fushave të ndryshme. Aktiviteti i nisur në Shtator të vitit 2014 është i përmuajshëm dhe i fokusuar kryesisht në fushën e teknologjisë dhe inovacionit, por jo vetëm.
Gjatë aktivitetit ftohet një biznesmen i suksesshëm shqiptar i cili ndan me audiencën eksperiencën e tij/saj në fushën e biznesit dhe vështirësitë, si dhe jep këshilla për sipërmarrësit e rinj./Vip-magazine.al/
