Detaje e dëshmi të reja dalin në dritë pas ngjarjes së kobshme mbrëmë në Kosovë, ku 2 nxënës dhe shoferi i autobusit të shkollës u vranë pas një breshërie plumbash të lëshuar drejt tyre nga një person i paidentifikuar në Pejë.
Shoku i një prej viktimave, Arlind Beka, nuk di se si ta përshkruajë me fjalë atë që i ndodhi 16-vjeçarit Ledion Hamzaj, me të cilin ndante edhe të njëjtën bankë në shkollë.
Vetëm një ditë më parë ai kishte qëndruar bashkë me Ledionin, i cili zakonisht shkonte në shtëpi më herët se të premten mbrëma. Ai kujton që Ledioni i kishte përmendur ditë më parë një ndodhi në të njëjtin autobus ku u vra.
Lexo edhe:
“Na ka treguar për shoferët që ka pasur probleme diçka, një ditë duke ardhur prej Baballoqit, konflikt shpejtësie mundem të them, janë shty njëri me tjetrin të dy autobusët, se kush t’i merrte udhëtarët”, rrëfen Arlind Beka për mediat kosovare.
