Mbrëmjen e djeshme dy konkurrentë të rinj iu bashkuan shtëpisë së “Big Brother VIP”.Ata janë DJ PM dhe DJ DAGZ.
DJ PM ishte ai që shprehu një simpati ndaj Sarës duke thënë që dëshironte ta njihte akoma më shumë.
Madje edhe pas përfundimit të spektaklit të së premtes, teksa Sarah po i bënte për të ngrënë ai ka tentuar dhe të flirtojë me të.
Kur Sarah i thotë që pasi qëndrove këtu pse nuk e bëre vetë ushqimin e ai ia kthen: “Më pëlqeu më shumë ta bëje ti, të them të drejtën më pëlqeu më shumë te rrija me ty”.
E jo vetëm kaq, pasi kur janë ulur për të fjetur, Dj PM ka shkuar pranë shtratit të Sarah duke u kujdesur për të. Madje ai donte që të krevatin e tij ta kishte pranë saj.
Nuk dihet si do të vijojë raporti mes dyshes, por presim të ndodhi diçka.
