Pak ditë më parë, Melisa Lleshi bëri një postim në rrjetet sociale, ku shkruante se duhet ta pranojmë se jemi të vetëm në këtë botë dhe se mund të mbështetemi vetëm tek vetja për çdo gjë.
U desh ky postim në “Instastory” që të gjithë të dyshonin se Melisa dhe Andi Shehu i kanë dhënë fund lidhjes së tyre. I pari që reagoi për të hedhur poshtë fjalët që thuheshin në lidhje me ndarjen e tyre, ishte Andi.
Ky i fundit postoi në “Instagram” një foto me të dashurën e tij dhe shkruante: “As vdekja nuk mund të na ndajë”.
Ndërkohë tani ka reaguar edhe ish-konkurrentja e “Për’puthen”, e cila duket se është lodhur shumë nga komentet e shumta. Melisa i paralajmëron të gjithë se kjo është hera e fundit që do të tolerojë ata që thonë gjëra të pavërteta lart e poshtë.
“Melisa tha këtë, Melisa bëri këtë, Melisa u nda, Melisa ua po merr frymë’.
Boll! Ju kërkoj disa ‘portaleve’ pak dinjitet në ato çfarë shkruajnë. E kuptoj që shikueshmëria e lartë ju nevojitet dhe po bëni punën tuaj, por bëjeni siç duhet.
Mos u bëni të ndryrë të merreni me spekulime dhe t’i nxirrni si të vërteta, sepse ka arrit një pikë që nuk mban më. Unë nuk kam folur në ‘live’ për asnjë dhe as nuk jam ndarë me Andin, po mjaft me këto idiotësira.
Merruni me stafin tuaj që po plasin duke bërë batuta për mua vetëm si e si t’i përmendni emrin. Me ato merruni, jo me gënjeshtra mbi mua, sepse kjo është hera e fundit që toleroj”, shkroi Lleshi.
