Vetëm 5 minuta para mesnatës së të mërkurës, një tjetër atentat i rëndë ka tronditur sërish qytetin e Vlorës, ku është ekzekutuar 35 vjeçari Shkëlzen Velaj.
35 vjeçari ka qenë duke hyrë për në shtëpi, kur ka vënë re se pranë pallatit ka qenë duke u ndjekur nga një makinë e dyshimtë. Aika lënë makinën e tij ndezur dhe ka ikur me vrap për tu futur në banesë. Autorët dyshohet se e kanë ndjekur. Në katin e 5 të pallatit kur ka qenë duke hapur derën, atentatori ka lëshuar breshëri plumbash në drejtim të tij.
Sa i takon Shkëlzen Velaj, 35 vjeçari është vëllai i Ardi Velaj, i mbetur i vrarë në masakrën e Çoles, ndodhur në 2015-ën. Në ngjarjen e 2015 e cila pasoi me një sërë ngjarjesh dhe viktimash janë përfshirë vëllezërit Llanaj.
