Kledi Kadiu dhe partnerja e tij, Charlotte Lazzari zbuluan pak javë më parë se do të bëheshin prindër për herë të dytë. Lajmin e bëri me dije vetë balerini përmes një postimi në rrjete sociale, ku shkruante: “Familja jonë do të zgjerohet. Në gusht do të vijë një gëzim i ri. Jemi jashtëzakonisht të lumtur.”
Ai ndau disa fotografi ku shihej duke përqafuar partneren e tij, ndërsa mbante në duar dhe ekon e bebushit. Së fundmi, ai ka zbuluar dhe gjininë e bebushit dhe bëhet fjalë për një djalë. Ai ka publikuar disa fotografi të familjes së tij, ndërsa vajza ka lyer dorën me bojë blu që e ka vendosur dhe tek barku i mamasë së saj.
“Lea zbuloi një sekret, kush e kuptoi”, shkroi balerini krahas fotos duke nënkuptuar se familja e tij do të mirëpresë së shpejti një djalë. Kujtojmë që vajza Lea erdhi në jetë 5 vite më parë.
