Bora Zemani ka fituar betejën me koronavirusin. Moderatorja e njohur e ka ndarë lajmin me ndjekësit në rrjete sociale, ku shprehet se tashmë ka rezultuar negative. Krahas një fotoje të sajën dhe një tjetre me ilaçe të shumta, Bora ka shkruar: “Zyrtarisht negative”.
Bora ndodhej e izoluar në shtëpi prej disa ditësh për shkak të rregullave, ku iu desh të shkëputej dhe nga moderimi i “Për’puthen”. Lajmin se ishte infektuar e bëri me dije vetë ajo përmes një reagimi në Instagram, ku shkruante se edhe pse kishte ndjekur rregullat përgjatë gjithë kohës, nuk kishte mundur t’i shpëtonte virusit.
View this post on Instagram
“Po jetojmë në kohë të vështirë, kohë pandemie! Si një “frikacake” jam ruajtur gjithë vitin duke respektuar të gjitha masat antiCovid por ja…nuk shpëtova dot. Gjithsesi unë kam nisur mjekimin dhe jam nën kujdesin e duhur.” shkroi ndër të tjera Bora.
