Xheneta Fetahu ka bërë të ditur sot se ka përfunduar rrugëtimin e saj në Top Channel. Në një postim në Instagram, ajo shprehu mirënjohje për eksperiencën në programin “E Diell” dhe falënderoi ekipin dhe moderatorin Edi Manushi për mbështetjen.
“Jam mirënjohëse për çdo hap të këtij kapitulli. Tash përpara me energji të re – çdo fund është fillim i diçkaje edhe më të madhe,” shkroi Xheneta, duke lënë të kuptohet se së shpejti do t’i përkushtohet projekteve të reja.
Ende nuk ka dhënë detaje se cili do të jetë hapi i saj i radhës, por ajo nënkupton se një fazë e re profesionale po vjen.
