Aktori i njohur, Will Smith ka dhënë të premten dorëheqjen nga Akademia e Arteve dhe Shkencave të Filmit të Hollywoodit pasi goditi Chris Rock në ceremoninë e Oscars të së dielës së kaluar.
“Unë i jam përgjigjur drejtpërdrejt njoftimit të seancës disiplinore të akademisë dhe do të pranoj plotësisht të gjitha pasojat për sjelljen time. Veprimet e mia në prezantimin e 94-të të çmimeve Oscar ishin tronditëse, të dhimbshme dhe të pafalshme. Jam zemërthyer”, thuhet në deklaratën e lëshuar nga Smith.
Dorëheqja e Smith do të thotë se ai humbet të drejtën e votës, por ai ende mund të nominohet për një Oscar dhe të fitojë një çmim për çdo shfaqje të ardhshme.
Lexo edhe:
Ndërkohë, Akademia ka thënë se kishte pranuar dorëheqjen e Smithit dhe do të “vazhdojë të ecë përpara” me procedimet disiplinore kundër aktorit për shkelje të standardeve të sjelljes.
