Të dy personat që kanë mbetur të vrarë nuk janë emra të panjohur për policinë.
Mësohet se një nga viktimat në atentatin në Elbasan është Ardian Çollaku. Ai më parë ka vuajtur dënimin për prostitucion dhe armëmbajtje pa leje në Itali. Ardian Çollaku, 48 vjeç , u dërgua në spitalin e Elbasanit, por nuk ka mundur t’i mbijetojë plagëve të marra.
Në 2015 ai ishte arrestuar në Elbasan me qëllim ekstradimin në Itali. Autoritet italiane e kishin dënuar atë me mbi 23 vjet burg për veprat penale te “Shfrytëzimit të prostitucionit” dhe “Prodhimit dhe mbajtjes pa leje të armeve luftarake dhe municioneve”. Është ende e paqartë nëse Çollaku është ekstraduar apo jo drejt Italisë.
Raportohet se viktima e dytë nga atentati në Elbasan, është identifikuar si Lulzim Bitri 43-vjeçari, nga Elbasani. Edhe ky ishte një person me precedent të mëparshëm penal, pasi akuzohet për vrasjen e një personi në Tetovë të Maqedonisë së Veriut në 2018. Vrasja ndodhi pas përplasjes mes dy grupeve kriminale.
Dyshimet e grupit hetimor janë se kemi të bëjmë me një atentat të mirëfilltë, në kuadrin e larjes së hesapeve mes grupeve kriminale.
