Aktori Alec Baldwin ka reaguar pas ngjarjes së rëndë ku mbeti e vrarë një grua gjatë xhirimeve të filmit të tij të ri.
Në një seri postimesh në Twitter, ai shprehet se ndihet zemërthyer dhe se po bashkëpunon me policinë për të zbardhur ngjarjen që tronditi Hollywood-in.
“Nuk kam fjalë për të përcjellë tronditjen dhe pikëllimin në lidhje me aksidentin tragjik që i mori jetën Halyna Hutchins, një gruaje, nëne dhe kolegeje tonë të admiruar thellësisht. Unë jam duke bashkëpunuar plotësisht me hetimin e policisë për të adresuar se si ndodhi kjo tragjedi dhe jam në kontakt me bashkëshortin e saj, duke i ofruar mbështetjen time atij dhe familjes së tij.
“Zemra ime është thyer për burrin e saj, djalin e tyre dhe të gjithë ata që e njihnin dhe e donin Halynën”, theksoi aktori. Halyna Hutchins është drejtore e fotografisë dhe i plagosuri është Joel Souza, regjisori i filmit.
Hutchins u dërgua në një spital në New Mexico, por fatkeqësisht nuk mundi të mbijetojë.
