Me golin e shënuar sot ndaj Serbisë, Xherdan Shaqiri është një nga tre lojtarët që kanë shënuar në secilin nga tre turnetë e fundit të Kupës së Botës. Të tjerët janë Cristiano Ronaldo dhe Lionel Messi.
Në Botërorin e Brazilit në 2014 Shaqiri shënoi 3 gola, në Botërorin e Rusisë në 2018 shënoi 1 gol kundër Serbisë dhe tashmë përsëriti historinë duke shënuar sërish ndaj tyre.
Nëse katër vite më parë festimi i tij me shqiponjë bëri xhiron e botës, këtë herë Shaqiri i rezistoi tundimit, për të shmangur një sanksion të rëndë nga FIFA, e cila e ndëshkoi dhe e paralajmëroi atë dhe Xhakën katër vite më parë.
Këtë herë futbollisti vuri gishtin mbi buzë duke i thënë të heshtnin tifozëve serbë në tribuna ndërsa më pas kërceu duke treguar mbiemrin e tij në pjesën e pasme të fanellës.
