Bella Hadid po reflekton mbi vendimin e saj për t’iu nënshtruar ndërhyrjeve kirurgjikale më shumë se një dekadë më parë. Në një intervistë të fundit me Vogue, modelja 25-vjeçare u ndal te thashethemet rreth operacioneve estetik duke zbuluar se ka bërë një ndërhyrje në hundë kur ishte 14 vjeç.
“Do të doja të kisha mbajtur hundën që kisha. ”– tha ajo për revistën. Sa i përket pretendimeve se ajo ka bërë tërheqje të syve, të fytyrës dhe ka mbushur buzët Bella tha se asnjë nga ato supozime nuk është e vërtetë.
“Njerëzit mendojnë se unë kam bërë shumë ndërhyrje për shkak të një fotografie që është publikuar nga adoleshenca ime ku dukem më e mbushur se tani. Jam shumë e sigurt që nuk dukesh njësoj tani si në moshën 13-vjeçare, apo jo? Unë kurrë nuk kam përdorur filler. Le t’i japim fund kësaj. Nuk kam asnjë problem me këtë gjë, por nuk kam bërë. Kushdo që mendon se kam tërhequr sytë ose fytyrën duhet ta dijë se është thjesht një tërheqës plastik! Truku më i vjetër.”’
Ajo shtoi: “Njerëzit më kanë bërë të mendoj se nuk e meritoja asgjë nga ato që kam arritur. Njerëzit gjithmonë kanë diçka për të thënë, por ajo që duhet të them është se unë gjithmonë kam qenë e keqkuptuar në industrinë time, dhe nga njerëzit përreth meje”.
Gjatë intervistës së saj, Bella u ndal gjithashtu edhe krahasimet që njerëzit bëjnë mes saj dhe motrës më të madhe, Gigi Hadid.
“Unë isha motra më e shëmtuar”, tha Bella për Vogue. “Unë isha zeshkane. Nuk isha aq e lezetshme sa Gigi, jo aq miqësore. Kjo është me të vërtetë ajo që njerëzit thoshin për mua. Dhe për fat të keq, kur të thonë gjëra kaq shumë herë, thjesht e beson. Unë gjithmonë pyes veten, si mundi një vajzë me pasiguri të jashtëzakonshme, ankth, depresion, probleme me imazhin e trupit, probleme me të ngrënit, që urren të preket, që ka ankth të madh social të hynte në botën e modës?” vazhdoi ajo. “Por me kalimin e viteve u bëra një aktore e mirë. Gjithmonë kam ndjerë se kam diçka për të provuar. Njerëzit mund të thonë gjithçka për pamjen time, për mënyrën se si flas, si veproj. Por në shtatë vjet nuk kam ndenjur kurrë pa punë, nuk kam anuluar një punë, nuk jam vonuar në një punë.
Pasi përjetoi atë që ajo e përshkroi si një “djegie” në janar 2021 për shkak të problemeve me shëndetin mendor, Bella tregoi disa metoda që përdori për t’u ndjerë më mirë duke ecur përpara, të cilat përfshijnë një program trajtimi, terapi përmes bisedave me mjekët, për të cilat ajo tha se të gjitha i kanë ndryshuar jetën. Bella tha se tashmë e kupton rëndësinë e vendosjes së shëndetit të saj mendor para së gjithash, edhe përpara karrierës së saj.
“Të duhet të zgjohesh çdo mëngjes me këtë tru – nuk është e bukur,” tha modelja, e cila u diagnostikua me sëmundjen Lyme në 2012. “Pra, tani gjithçka që bëj në jetën time personale duhet të sigurohem që gjendja ime mendore të jetë e qëndrueshme. Moda mund të të ngrejë lart ose të të thyejë. Dhe nëse të bën yll, duhet të bësh një përpjekje të vetëdijshme çdo ditë për të mos u thyer”.
