Një lajm i trishtë ka ardhur mëngjesin e sotëm për një 24-vjkeçare shqiptare e cila sapo kishte sjellë në jetë bebin e saj. Mësohet se e reja ka ndërruar jetë ditën e djeshme në Klinikën Sportive në Kosovë si pasojë e infektimit me Covid-19.
24-vjeçarja sapo kishte sjellë në jetë një fëmijë, ndërkohë që fatkeqësisht nuk mundi dot ta fitonte betejën me virusin. Gjithashtu bëhet e ditur se ajo ka qenë prej disa ditësh e shtruar në QKUK.
Drejtori i Klinikës së Gjinekologjisë, Jakup Ismaili ka thënë se e ndjera kishte shkuar e prekur me koronavirus në këtë klinikë dhe se janë detyruar ta operojnë për shkak të gjendjes së saj të rënduar me frymëmarrjen.
Lexo edhe:
“Ajo ka ardhur me COVID tek ne dhe në javën e 34-të është dashur ta operojmë për shkak se kishte probleme me frymëmarrjen”, ka thënë Ismaili duke shtuar se foshnja është në gjendje të mirë shëndetësore.
Ismaili ka shpjeguar se menjëherë pas lindjes e ndjera ishte transferuar në Klinikën Sportive.
