Publikimi i “Protokollit të vdekjes së mbretëreshës Elizabeth II” duket se ka zemëruar jo pak Pallatin Mbretëror, i cili edhe pse nuk ka dhënë asnjë koment zyrtar, është e kuptueshme që po i përkushtohet kësaj çështje, shkruan ‘The Sun’.
Dokumentet e publikuara, të koduara “Operacioni London Bridge”, supozohet të jenë sekrete, duke detajuar çdo veprim që do ndërmerret menjëherë pasi Mbretëresha të vdesë. Dokumenti top-sekret iu dorëzua një ëeb-faqeje politike duke shkelur rregullat në mënyrë tronditëse për Pallatin Mbretëror.
Ndihmësit po gjurmojnë personin përgjegjës për rrjedhjen e dokumenteve, pasi planet u bënë tituj në të gjithë botën, ndërkohë që detaje të tilla synojnë të mbeten private. Një seri detajesh të tjera besohet se janë shtuar në këto dokumente duke u bazuar tek situata e pandemisë.
Zyrtarët shprehen se janë të shqetësuar për numrin e njerëzve që do të shkojnë në Londër dhe për mungesën e stafit për të menaxhuar turmat. Dokumentet e fshehta mbi “Protokollin per vdekjen e mbretëreshës” u bënë publike pak ditë më parë, duke marre jehonë në mediat botërore.
