Tea ka treguar për herë të parë arsyet e ndarjes nga Bearti duke rrëfyer mënyrën si nisi gjithçka.
Ajo thotë se Bearti kishte pasiguri ndaj saj për shkak të xhelozisë, duke theksuar se e ka mbytur marrëdhënia intensive duke qenë se ai ka qenë kudo me të, duke e privuar në njëfarë mënyre nga liria me të cilën ishte mësuar, shkruan Vip-magazine.al.
Tea shprehet se udhëtimi në Stamboll i ka shtuar edhe më shumë zënkat mes tyre, ndërsa thekson se nuk ka asnjë mundësi kthimi pasi gjithçka që ka ardhur nga Përputhen tani për të ka marrë fund.
“Do kisha zgjedhur që të mos bëja nëse gjithçka kishte të bënte me marrëdhënien time me të nuk do ishte publike. Lidhja me Beartin nisi pa u kuptuar, pa u dhënë një shpjegim dhe po ashtu u mbyll. Ishte një marrëdhënie që përfshinte ndjenja të forta nga të dyja palët. Këtë nuk mundem ta mohoj. U bë një marrëdhënie toksike. Filloi të kthehej në një marrëdhënie toksike. Kalonim më shumë kohë se çduhet bashkë. Nuk besoj se jam ndarë asnjë ditë me Beartin. 24 orë të ditës e kaloja me të. Edhe kur shkoja të lyeja flokët ai ishte aty me mua.
LEXO EDHE:
https://vip-magazine.al/2021/04/06/tea-zbulon-lidhjen-e-fshehte-te-andit-qe-kur-ishin-ne-perputhen-u-lendova-prej-tij/
Nuk besoj se është diçka e keqe, madje e shijoja. Por tani që e shikoj në një perspektivë tjetër e kuptoj që ishte diçka që nuk duhet të kishte ndodhur dhe na mbyti të dy neve. Nuk e di çfarë na bëri ta zhvillonim kështu marrëdhënien tonë. Ndoshta fakti që kishim shumë presion. Bearti kishte disa pasiguri ndaj meje. Unë e kam kuptuar shumë vonë që e gjithë kjo erdhi për shkak të pasigurive. Xhelozia na bënte të kishim mosmarrëveshje.
Edhe sado jam përpjekur që ta rregulloj apo të ndryshoj jetën time sepse unë jam njeri i lirë, por gjatë këtyre kohëve që kam qenë me të kam hequr dorë nga gjithçka. Ky është një gabim i madh. Stambolli përkon me fundin e marrëdhënies sonë. Ajo ishte pika mbi i dhe vula në zarf që shënon fundin. Kur u nisa për Stamboll ideja ishte të festonin ditëlindjen time prandaj dhe e planifikova atë udhëtim. Shkoi ndryshe nga sa e prisja. Nuk dua të flas më për këtë. Jeta vazhdon. Nuk mund të them që nuk e kam shijuar apo vuajtur por ishte një eksperiencë që u mbyll dhe në të kaluarën kthehet në një mësim.
Nëse do rikthehesha me Beartin? Është një kapitull i mbyllur që nuk duhet të hapet më për arsye që jo të gjitha mund t’I them por nuk ka më kthim”, shprehet Tea.
/VIP-MAGAZINE/
