Një moment i papritur nga puntata e fundit e “Mirëmbrëma Yje” është kthyer në një nga temat më të komentuara të ditës. Arbana Osmani, teksa intervistonte Ben Blushin për librin e tij të ri, e çoi bisedën drejt periudhës kur ai drejtonte Top Channel – dhe aty nisi gjithçka.
Në një moment, Arbana e pyeti se kë do preferonte si drejtues të një reality mes saj dhe Ledion Liços. Blushi u përgjigj prerë: “Sigurisht ty. Je më e mira për këtë format. Më vjen keq që nuk e prezanton ‘Big’-un. Ata donin Ledionin, por unë nuk pranova. Vura veton për ty, dhe besoj se kam bërë gjënë e duhur.”
Pas deklaratës së Blushit, nuk mungoi një reagim i tërthortë nga Ledion Liço, i cili publikoi në Instagram një citim të Jim Carrey-t: “Unë mendoj se të gjithë duhet të bëhen të pasur dhe të famshëm, që të kuptojnë se kjo nuk është përgjigjja”.
