Shqiptari në kërkim për vrasjen e dyfishtë në vititn 2017, Laert Haxhiu është arrestuar pas një ndjekjeje si nëpër filma nga oficerët e Janinës në shtetin fqinj.
Mediat greke thonë se gjithçka ka nisur kur efektivët e policisë i kanë bërë shenjë drejtuesit të mjetit të ndalojë në zonën e Eleuzës së Janinës. Ai nuk iu bind dhe idha gaz makinës për t’u arratisur.
Gjatë ndjekjes, mjeti, i cili nuk ka mundur të ndalojë me sinjalin e policisë, ka përplasur tre automjete, ka ngecur në semafor dhe më në fund është ndalur kur ka përplasur një bordurë dhe ka shpërthyer një gomë, duke shkaktuar hapjen e airbagëve.
Lexo edhe:
Më pas policia e ka arrestuar drejtuesin dhe dy pasagjerët e tjerë që ndodheshin me të.
Sipas ERT, nga hetimet rezultoi se një nga tre të arrestuarit ishte shqiptari, i cili kërkohej nga policia shqiptare si pjesëtar e një grupi kriminal dhe akuzohet për vrasje dhe tentativë vrasje në Shqipëri. Madje, ndaj tij ishte shpallur “njoftimi i kuq” i kërkuar nga Interpoli.
