Pasi Melisa e quajti Ledjanën konkurrenten më “fallco” të “Për’puthen” në emisionin “Roped with Olsi”, Ledjana reagoi në rrjete sociale.
“Dhe sa për ata që japin intervista dhe akuzojnë se jam fallco, të shikojnë veten e tyre sepse Ledjana nuk përmend mamin e babin për t’u viktimizuar në program e as nuk shes veten për karrierë e për asgjë. Në intervista mund të flisni për veten tuaj, jo për vërtetësinë time se jeni askushi”
Në një tjetër postim, ajo ka ironizuar gjithashtu faktin që Melisa është bërë këngëtare nga “Për’puthen”.
Pas Ledjanës, reagoi edhe Melisa e cila nuk la pa përmendur edhe çështjen e Belgjikës duke shkruar se do ia nxirrte të vërtetat Ledjanës.
Lidhur me këtë status, Ledjana e ftuar tek “Glamour zone” u shpreh kështu:
“Ajo ka jetën e vetë, unë timen, thjesht në një emision tha që unë jam fallco, gjë që nuk është e vërtetë dhe nuk mund të flasësh për dikë pa qenë prezent. Aq më pak kur ti vetë ke bërë shumë veprime që bien në kundërshtim me fjalët që po thua”, tha Ledjana.
