Reshjet e shiut dhe dëborës “mbërthejnë” vendin/ Moti për ditën e sotme

Ditën e sotme vendi ynë do të ndikohet nga kushte atmosferike të paqëndrueshm. Sipas SHMU, moti parashikohet me vranësira mesatare e të dendura.

Reshje shiu të herëpashershme me intensitet mesatar në formën e shtrëngatave në pjesën më të madhe të vendit që në orët e para të 24-orëshit.

Në zonën e veriperëndimit dhe jugperëndimit reshjet parashikohen me intensitet hera-herës deri të lartë. Gjatë ditës reshjet e shiut priten të jenë prezente me intensitet mesatar në pjesën më të madhe të territorit dhe në mënyrë të izoluar shtrëngata afatshkurtra shoqëruar me shkarkesa elektrike.

Lexo edhe:

Diell dhe kushte atmosferike të qëndrueshme, si paraqitet moti këtë të shtunë

Parashikimi i motit 16 janar 2026, si do të jenë kushtet atmosferike

Parashikimi i motit 15 janar 2026/ Temperatura të ulëta në gjithë vendin

Alternime kthjellimesh e vranësirash kalimtare, ja parashikimi i motit për sot! Sa do shkojnë temperaturat

Në zonën e Alpeve reshje bore në formën e stuhive të dëborës, në veri-verilindje në lartësitë mbi 100 metër dhe jug-juglindje në lartësinë mbi 200-300 metër reshje dëbore me intensitet deri mesatar. Në pjesën tjetër të vendit në orët e pasdites reshje bore me intensitet të ulët (flokë bore). Mjegull e dendur/mjegullinë dhe shikim i reduktuar për shkak të reshjeve tëshiut dhe dëborës.

Era do të fryjë me drejtim veriperëndim – jugperëndim me shpejtësi mesatare 8 m/s, përgjatë vijës bregdetare dhe zonave luginore era pritet të fitoi shpejtësi deri në 24 m/s.

Valëzimi në det do të jetë i forcës 4-6 ballë.