Eliona Pitarka para pak kohësh u bekua me vajzën e tretë, por mesa duket nuk ka ndërmend të ndalet me kaq.
E ftuar te Ermal Peçi në programin ‘Më prit të dielën’, ajo tha se dëshiron brenda moshës 40 vjeçare të jetë bekuar me 5 fëmijë teksa shton bindjen se do ta ketë mes tyre dhe një djalë. Në lidhje me lindjen e fundit Pitarka tregoi se askush nuk e dinte vërtetë gjininë e vajzës, vendim ky krejt personal dhe jo për vëmendje apo show nëpër mediat sociale.
Në program ajo ndau dhe rrëfimin prekës se pas lindjes së parë kishte kaluar depresion e se shpesh kishte mendime se bashkëshorti donte ta ‘çmendte’ që ti merrtë vajzën.
