Presidenti i SHBA, Donald Trump ka pezulluar programin e lotarisë amerikane pas sulmeve të fundit në Shteteve të Bashkuara.
Vendimi erdhi pasi u zbulua se autori i vrasjes së profesorit të Institutit të Teknologjisë në Masacusets dhe dy studentëve në Universitetin e Broën ishte një shtetas portugez që kishte hyrë në vend përmes programit të vizave të diversitetit (DV1) dhe kishte përfituar një kartë të gjelbër.
Programi i vizave DV1 ofron deri në 50,000 karta te gjelbra çdo vit me anë të llotarisë për njerëz nga vende që janë pak të përfaqësuara në SHBA, shumë prej tyre në Afrikë.
Lexo edhe:
Gati 20 milionë njerëz aplikuan për llotarinë e vizave të vitit 2025, me më shumë se 131,000 të përzgjedhur kur përfshihen bashkëshortët me fituesit. Pas fitores, ata duhet t’i nënshtrohen verifikimit për të siguruar pranimin në SHBA.
Ndërkohë autori i vrasjeve u gjet i pajetë mbrëmjen e së enjtes me plagë të shkaktuara nga armë zjarri dhe pista ku po hetohet është vetëvrasja.
Autoritetet besojnë se Claudiro Neves Valente, 48 vjeç është përgjegjës për sulmin në sallën e leksioneve në Broën të shtunën e kaluar dhe më pas për vrasjen e Nuno Gomes Loureiro në shtëpinë e tij në periferi të Bostonit. Deri më tani besohet se Valente veproi i vetëm.
Neves Valente dhe Loureiro kanë ndjekur më parë të njëjtin program akademik në një universitet në Portugali midis viteve 1995 dhe 2000. Loureiro u diplomua në Portugali në vitin 2000 dhe po atë Neves Valente u shkarkua nga një pozicion në universitetin e Lisbonës.
Ai kishte shkuar në universitetin e Broën me një vizë studentore dhe përfundimisht mori statusin e qëndrimit të përhershëm ligjor në shtator 2017.
Presidentja e Universitetit Broën, tha se Neves Valente ishte regjistruar atje si student i diplomuar që studionte fizikë nga vjeshta e vitit 2000 deri në pranverën e vitit 2001.
