Duket se një “përplasje” virtuale ka nisur mes moderatorëve Luana Vjollca dhe Donald Veshaj.
Gjithçka nisi nga një video e Donaldit, i cili ironizoi moderatoren e “Zemër Luana”, për klikimet dhe videot e saj falenderuese ndaj fansave.
Më poshtë videot e Donaldit dhe Luanës:
Klikimet e Luana Vjollcës në emisionin e ri janë komentuar jo pak në rrjetet sociale nga fansa dhe ndjekës.
Madje vetë Luana ka publikuar shpesh në rrjetet e saj sociale foto dhe video ku tregon rekordet e klikimeve dhe falenderon fansat e saj.
Mirëpo, Luana Vjollca është kundërpërgjigjur me një postim të fundit në Instagram, krahas së cilit shkruan: “Qentë le të lehin, karvani ecën përpara”, dukshëm kundërpërgjigje ndaj Donaldit dhe ironisë së tij.
Luana pati edhe mbështetjen e menjëhershme të Beatrix Ramosajt, ish-partneres së Donaldit, e cila reagoi në sektorin e komenteve të postimit të Luanës.
“Vajzë, tregoju si bëhet”- ka shkruar Beatrix Ramosaj në seksionin e komenteve.
Kujtojmë se në rrjet kanë qarkulluar disa zëra që përgënjeshtronjë shikueshmërinë reale të emisionit që supozojnë se klikimet e tij janë të blera.
Mirëpo “Acromax” i ka hedhur poshtë të gjitha këto dyshime, duke analizuar statistikat ku vërtetohet se shikueshmëria është e vërtetë.
Kompania “Acromax Media” konstatoi se në tre ditët e para emisioni arriti 800 mijë shikime në platformën “YouTube” ku vendin e parë të shikueshmërisë e dominon Shqipëria me 230 mijë shikime, në vendin e dytë Gjermania me 79 mijë, më pas vijon Italia me 78 mijë, Maqedonia e Veriut me 53 mijë, Britania e Madhe me 32 mijë, dhe më pas vijnë shtetet e tilla si: Greqia, Zvicra, Shtetet e Bashkuara të Amerikës, Franca, Austria, Suedia, Belgjika, Kanadaja, Sllovenia, Serbia, Mali i Zi etj. Gjithashtu emisioni ka pasur edhe 48 klikime nga India.
