Djali i Princit Harry dhe Meghan Markle, është zyrtarisht tashmë një princ pas vdekjes së Mbretëreshës Elizabeth.
Në përputhje me rrethanat, motra e vogël e Lillibet-it gjithashtu ka të drejtë të bëhet princeshë pas vdekjes së Mbretëreshës dhe gjyshi i saj, Princin Charles, të bëhet mbret.
Rregullat e vendosura nga Mbreti Xhorxh V në 1917 nënkuptojnë se Archie dhe Lillibet, e pagëzuar sipas dashurisë së stërgjyshes së saj, tani kanë gjithashtu të drejtën të kenë titujt nëse dëshirojnë.
Kjo është një temë që ndikon te Meghan Markle. Gjatë intervistës së saj shpërthyese me Oprah Winfrey, Dukesha e Sussex-it e përshkroi “dhimbjen” e saj teksa pretendoi se anëtarët e familjes mbretërore i mohuan Archie titullin princëror dhe akuzuan Buckingham Palace se nuk e mbronte atë duke i mohuar sigurinë 24-orëshe.
Kur u pyet nëse ishte “e rëndësishme” për të që Archie të quhej princ, ajo tha se nuk kishte asnjë lidhje me “madhështinë” e titujve zyrtarë. Ajo theksoi megjithatë se bëhej fjalë për “idenë se djali ynë nuk është i sigurt, si dhe ideja që i pari me ngjyrë i kësaj familjeje të mos ketë të njëjtin titull si nipërit e tjerë”.
Si mund ta ndryshojë ligjin Princi Charles
Në vitin 2021, u përfol se Princi Charles, në një përpjekje për të reduktuar numrin e mbretërve synonte, kur ai u bë monark, të parandalonte Archie që të bëhej princ.
Derisa kjo të ndodhë, ose nëse ndodh, Archie dhe Lilybet mbeten princ dhe princeshë, pavarësisht nëse prindërit e tyre vendosin të përdorin titujt apo jo.
Meghan Markle pohoi në intervistën e saj me Oprah Winfrey se Archie nuk iu dha titulli princ për shkak të racës dhe ngjyrës së tij. Megjithatë, kur Archie lindi, ai ishte i 7-ti në radhën e fronit në maj 2019, duke e bërë atë shumë larg në linjë.
Titujt e fisnikërisë të sugjeruara pas lindjes së Archie
Megjithëse ishte stërnip i monarkes, ai nuk ishte djali i pari i një mbreti të ardhshëm, kështu që ai nuk ishte automatikisht një princ. Ai, natyrisht, nëse prindërit e tij dëshironin, mund të përdorte titullin “Duke of Dunbord” ose të quhej “Lord Archie Mountbatten Windsor”.
Por Buckingham Palace ka njoftuar se prindërit e tij, Princi Harry dhe Meghan Markle, kanë marrë vendimin personal që ai të titullohet ” Sir Archie Mountbatten-Windsor”.
A do t’i pranojnë Harry dhe Meghan titujt e rinj për fëmijët e tyre?
Kujtohet se Sussex-ët pushuan së përdoruri titujt e tyre të fisnikërisë “Madhështia e Tij” kur lanë anëtarët e vjetër të familjes mbretërore për të jetuar një jetë “të lirë” në Los Anxhelos.
Nëse ata tani vendosin që Archie dhe Lillibet do të quhen princër, kjo do të kundërshtojë drejtpërdrejt mënyrën se si Harry ka folur gjithmonë për barrën e mbajtjes së një titulli. Ai ka theksuar vazhdimisht rëndësinë e dëshirës për t’u parë si normal dhe ka rrëfyer në vitin 2017 se dikur “dëshironte të largohej” nga familja mbretërore, një dëshirë që u realizua në vitin 2020.
