Shqipe Hysenaj dhe Tea Trifoni kanë patur debate të shumta që kur ishin pjesë e emisionit “Për’puthen”, por edhe pasi dolën nga programi. Shqipja bënte postime të ndryshme ndaj saj, ku e quante edhe mashtruese, pasi ajo e dinte të vërtetën e Teas.
Por teksa ka kaluar disa kohë që nga këto postime plot akuza ndaj njëra-tjetrës, duket se gjërat mes dy vajzave janë qetësuar, e tashmë janë në paqe së bashku.
Madje këtë e ka vërtetuar Shqipja me një koment që ka bërë në postimin e fundit që Trifoni ka bërë në “Instagram”. Kjo e fundit ka ndarë me ndjekësit një video ku shfaqet e veshur me fustan nusërie, e ku shkëlqen e gjitha.
E teksa ka marrë gjithë vëmendjen me pamjen e saj si nuse, fansat kanë kapur edhe komentin e Shqipes, e cila i shkruan: “Kush do jetë fatlumi që do marrë gjithë këtë bukuri?”.
