Pas daljes nga “Për’puthen”, Arsimi u përfol për disa lidhje të ndryshme dashurie. Fillimisht ai ishte në një romancë me ish-konkurrenten e reality show-t, Ana Lleshi, me të cilën u nda pas ca kohësh.
Më pas ai u përfol se ishte i lidhur me Antonela Berishën, pasi u panë disa herë në shoqërinë e njëri-tjetrit, madje edhe jashtë Shqipërisë. Por mes tyre kishte vetëm shoqëri, kështu të paktën është shprehur Arsimi teksa është pyetur në lidhje me të.
Pasi kaloi vetëm pak kohë, ish-konkurrenti i “Për’puthen” zbuloi vetë përmes postimeve në rrjetet sociale se kishte nisur një lidhje të re dashurie. Ai ishte në një lidhje me një vajzë bionde, Pranvera.
Ata dukeshin shumë të dashuruar, madje ajo kishte takuar edhe djalin e Arsimit. Por historia e tyre e dashurisë zgjati shumë pak. Po përmes postimeve në rrjetet sociale, ata zbuluan se nuk ishin më bashkë.
Pranvera shkroi pak ditë më parë në “Instastory” se Arsimi është “akull” siç thonin edhe vajzat e tjera që ishin ndarë me të, ndaj lidhja e tyre kishte marrë fund.
“Nuk kishin faj ata goca që thanë ti je akull. Gjithë të mirat në jetë”, shkroi ajo.
Ndërkohë, nuk ka mungoi një postim as nga Arsimi, i cili ka shkruar: “Për një moment ti ishe bota ime, por tani pyes veten se çfarë nuk shkon me këtë botë? Të uroj gjithë të mirat, lamtumirë!”.
Pas këtij postimi, ish-konkurrenti i reality show-t bëri një tjetër postim dedikuar djalit të tij dhe nënës së vogëlushit.
“Nuk kam nevojë për më shumë në jetë. Falenderoj Zotin së pari dhe nënë tënde së dyti për këtë dhuratë”, shkroi Arsimi në postimin në fjalë.
