Ermal Fejzullahu është një ndër këngëtarët më të dashur për publikun shqiptar.
Prej 19 vitesh në industrinë e muzikës, artisti ka sjellë gjithmonë projekte muzikore të cilat janë kthyer menjëherë në hite.
Mirëpo këto vite nuk kanë qenë gjithmonë të lehta për Ermalin. I ftuar së fundmi në “Natën me Aulonën”, këngëtari ka folur për jetën e tij personale dhe profesionale.
Lexo edhe:
Ai rrëfeu periudhën e vështirë që ka kaluar për rreth një viti me ankthin. Ermali u shpreh se gjithmonë përpiqet t’i marrë gjërat me sportivitet dhe se e gjitha varet nga vetë njeriu si e kontrollon ai veten e tij.
“U bënë 19 vite në muzikë. Nuk është e lehtë asgjë sepse njerëzit të shohin kështu siç je por askush nuk i kalkulon këto 19 vite se sa vështirësi ka pasur për të qenë një artist i rregullt dhe me pas më shumë peshë në punën që bën. Ka pasur momente shumë të vështira por unë nisem me atë që njeriu është i bërë për sfida dhe sa më shumë momente të vështira të bëjnë më të fortë dhe më të ndërgjegjshëm edhe je më i suksesshëm”- u shpreh këngëtari.
“Ka shumë momente të vështira të cilat i kam kaluar më sportivitet. Në një kohë kam pasur pak ngarkesë psiqike kam kaluar një lloj ankthi dhe nuk e dija se çfarë kisha, e kam kaluar shumë shpejt për rreth një vit dhe kur e kam e kam treguar më parë këtë gjë njerëzit më kanë shkruajtur direkt sepse njerëzit e kanë këtë problem por se dinë se çfarë është
Njeriu i kontrollon gjërat vetë, si për mirë si për keq. Të them të drejtën unë nuk e di se çfarë problem kam pasur, kam menduar se kam pasur problem me mushkëritë”- përfundoi ai.
