Kohët e fundit po shihet gjithnjë e më shumë një rritje e agresivitetit ndaj kafshëve. Një ngjarje e shëmtuar ka ndodhur në Shkodër, ku dy persona kanë masakruar me thikë një qen.
Ata i kanë ngulur thikën disa herë qenit Kuqo, që të gjithë e njohin në Shkodër, pasi është simbol i Pedonales.
Dy agresorët kanë përdorur një thikë prej 15 cm duke ia ngulur qenit të shkretë në shpatull. Por, ndërhyrja e shpejtë e banorëve dhe mjekut kanë bërë që Kuqi të shpëtojë.
Keqbërësit që tentuan të mbysin qenin janë dalluar nga banorët e zonës dhe kamerat e sigurisë pranë një marketi.
