Armaldo Kllogjeri është kthyer tashmë në një nga personazhet më të përfolur të këtij edicioni të Big Brother VIP 2. Tenori i njohur la shtëpinë më të famshme në Shqipëri të shtunën e kaluar, teksa mbrëmjen e sotme ishte i pranishëm edhe në studion e spektaklit.
Ai mori një përshëndetje të përzemërt nga Olta, e cila i tha se i ka munguar shumë gjatë këtyre ditëve. Ndërkaq, nuk ka munguar as përshëndetja nga ana e Luizit, i cili iu drejtua me emrin e vendosur nga ai, si ‘Amarildo’.
Nuk mungoi as kundërpërgjigjja e Armaldos, i cili u shpreh ‘Mirmbrëma o çapaçula’. Ndër të tjera, tenori i tha banorëve se gruaja e tij ka mbajtur shënim çdo emër të konkurrentëve që e kanë nominuar atë. E sipas llogarive të partneres së Armaldos, të gjithë e kanë nominuar atë, përveç Oltës.
Lexo edhe:
Kujtojmë që Armaldo u largua nga shtëpia të shtunën e kaluar, pas një nominimi të fortë përballë Kristit dhe Luizit.
