Prej javësh kanë qarkulluar lajme në media të ndryshme se çifti i njohur Kiara Tito dhe Luiz Ejlli po bëhen prindër për herë të parë. Por nuk kishte ende një konfirmim apo hedhje poshtë të këtyre zërave nga çifti, të paktën deri më tani. Luiz Ejlli sapo ka publikuar projektin e tij më të ri muzikor që mban titullin “Frymë”. Këngë erdhi si surprizë për të gjithë fansat e artistit.
Luizi dhe Kiara kanë konfirmuar me videoklipin mjaft të ëmbël se janë në pritje të fëmijës së tyre të parë. Çifti do të sjellë në jetë një vajzë dhe nuk mund të ishin më të lumtur se kaq. Mes urimeve të shumta të ndjekësve të tij dhe personazheve të tjerë VIP, ka marrë vëmendjen komenti i moderatores Arbana Osmani, me të cilën prej disa kohësh është aluduar për një grindje dhe mosmarrëveshje profesionale. E duket se Arbana i vuri pikat mbi “i’ kësaj çështje me komentin e bërë vetëm pak më parë për shtatzaninë e Kiarës, ku uron çifitn me bekime për këtë lajm të gëzueshëm.
“Urime e vetëm bekime Luiz dhe Kiara”.
