Në muajin shkurt të këtij viti, Kim Kardashian, i habiti të gjithë kur bëri në gjykatë kërkesën për divorc nga Kanye West. Po përflitej për një ndarje të mundshme mes tyre, por veprimi i femrës më seksi bëri që gjërat të merrnin një rrjedhë serioze.
Sipas mediave të huaja, ylli televiziv citon në kërkesën e saj për divorc, se arsyet e ndarjes nga reperi i famshëm janë “diferencat e papajtueshme”. “The Sun” ka siguruar letrat e divorcit, ku thuhet se Kim gjithashtu ka kërkuar kujdestarinë për 4 fëmijët e saj.
E teksa të gjithë po flasin për divorcin që bëri bujë mediatike menjëherë, një detaj i vetëm i bëri njerëzit të besojnë te rikthimi i çiftit më të përfolur të momentit, Kim dhe Kanye.
Ishte pikërisht një postim i Kardashian në “Insgtagram”. Ajo u shfaq e veshur me shapkat e markës “Yeezy” nga Kanye. Kaq u desh që fansat të mendojnë se ata janë rikthyer bashkë.
