Dëshironi të vendosni parfumin tuaj çdo mëngjes dhe të zgjasë deri në mbrëmje?
Vajzat e familjes mbretërore britanike dinë shumë mirë të jenë gjithmonë elegante dhe të nuhasin freski dhe nota të dallueshme parfumi. Kate dhe Meghan ndjekin me besnikëri rregullat e mëposhtme dhe kështu arrijnë të joshin të gjithë kudo që kalojnë me aromën e tyre të veçantë.
Lexoni këshillat mbretërore që do t’ju ndihmojnë, më poshtë:
1) VENDOSNI PARFUM NË VENDET KU JU RREH PULSI
Në fakt ka një arsye funksionale pse ne priremi të vendosim parfum në pikat tona të pulsit (si pjesa e brendshme e kyçeve dhe bërrylave, pas veshëve, anët e qafës, pjesa e pasme e gjunjëve, etj.): Lëkura është më e hollë në këto pjesë, që do të thotë se është më afër gjakut dhe nxehtësisë së trupit. Pra, me nxehjen e parfumit fillon procesi që duam, pra dalin aromat!
2) MOS E FËRKONI PARFUMIN
Pasi të keni spërkatur ose vendosur parfumin në pikat tuaja të pulsit, mund të jetë instinktive të fërkoni kyçet ose bërrylat për të …hequr aromën (veçanërisht nëse lëkura juaj është mjaft e lagur). Ky është një gabim i madh, sepse bën që parfumet më të mira të zbehen më shpejt!
3) APLIKONI PARFUMIN MENJËHERË PAS DUSHIT
Aplikoni parfumin tuaj menjëherë pas dushit, në lëkurë të lagur. Lëkura e lagur do të bllokojë aromën dhe do të parandalojë që pëlhurat delikate të rrobave tuaja të ndoten. Prisni disa minuta që parfumi të thahet përpara se të vishni rrobat tuaja. Nëse visheni shumë shpejt, aroma do të zbehet.
4) SPËRKATNI FURÇËN TUAJ
Për aromë shtesë në flokët tuaj, aplikoni një pjesë në furçën tuaj të flokëve dhe krehni. Shmangni spërkatjen direkt në flokë, pasi alkooli mund t’i dëmtojë ato.
