Ish-banorja e Big Brother VIP Albania 2, Mikela Pupa, ka reaguar pas ngjarjes së rëndë që tronditi opinionin publik në vendin tonë, ku gjyqtari Astrit Kalaja u qëllua për vdekje pas një seance gjyqësore për një çështje pronësie.
Përmes një postimi emocional, Mikela tregoi se ndodhej në trafik në momentin kur pa një autokolonë policore dhe ambulanca që po lëviznin me urgjencë drejt vendngjarjes. Fillimisht kishte menduar se bëhej fjalë për një aksident, por më vonë mësoi nga rrjetet sociale për atentatin ndaj gjyqtarit.
“Sot si çdo ditë tjetër, isha në rrugët e Tiranës, në kulmin e trafikut, mes zhurmës së borive që biën sapo hapet semafori, duke u munduar të mbaja korsinë time, edhe pse makinat ishin në garë se kush të kalonte e para. Papritur pashë një ndodhi që nuk e kisha hasur më parë. E hutuar në makinë, ndërsa i këndoja Aurës, po vinin një varg motorësh policie.
Lexo edhe:
Njëri prej tyre më ra në xham që të hapja krahun. Në panikun e tyre, hyra edhe unë dhe u spostova sa munda. Ishin shumë motorë, dy ambulanca dhe makina të blinduara. “Zot çfarë ka ndodhur?”, thashë më vete. Mendova se ndoshta kishte ndodhur ndonjë aksident dhe u luta të ishin gjallë. Por kur hapa rrjetet sociale, pashë që kishte ndodhur një ngjarje tragjike, e frikshme: në dyert e drejtësisë, pikërisht në sallën e gjyqit, ishte vrarë gjyqtari. U trishtova, u ligështova. “Zot ç’bëhet në këtë vend”?, thashë përsëri.Pashë vajzën time dhe ndjeva keqardhje ta rris në këtë vend”.
