Një nga historitë të cilat po përflitet më shpesh kohët e fundit është ajo e trekëndësisht Loredana, Mozzik dhe Noizy. Një histori që fakt që është më shumë e nxitur nga fansat dhe detajet që kapin në rrjetet sociale, me Mozzik dhe ish-partneren e tij që shpesh flasin për njëri-tjetrin në intervista, me përgjigjet dhe kundërpërgjigjet e tyre dhe me Noizyn që gjendet në mes të gjithë kësaj, për shkak të bashkëpunimit të fundit që ka me Loredanën. Bashkëpunim ky shumë i sukesshëm dhe që ka krijuar një raport shumë të mirë mes artistëve, sigurisht shoqëror dhe muzikor me aq sa dimë deri më tani.
Megjithatë heqja e këngës “Bonjour Madam” nga Youtube, bashkëpunimit të Mozzik dhe Noizy të disa kohëve më parë, nxiti fansat të besojnë se mes artistëve kishte pakënaqësi të nxitur pikërisht për shkak se Noizy dhe Loredana janë parë afër këto kohë. Por i ftuar ”Në Ditë Pas Dite”, reperi i njohur e mohoi këtë fakt.
I pyetur nga moderatorja Fjodora Fjora nëse heqja e këngës nga Youtube ishte strategji marketingu ai tha:
”Jo aspak, ka të bëjë me menaxhimin tonë, normalisht kur ka bashkëpunime të tilla, duhet të japesh dhe të marrësh për atë që ke dhënë, kushtet nuk janë plotësuar nga ana tjetër dhe ka ndodhur që kënga është hequr”.
Nëse kishte një ”anë rozë” të ngjarjes, që do të thotë, ishte Loredana e përfshirë, Noizy e mohoi duke konfirmuar sërish se ishte gjithcka për shkak të biznesit pas këngës dhe menaxhimit.
