12, është numri i grave të përzgjedhura për fushatën sensibilizuese kundër kancerit të gjirit në simbol të 12 muajve të vitit kur duhet të shtrihen fushatat për diagnostifikimin e kësaj sëmundje.
Ideatorja e kësaj nisme është make-up artistja e mirënjohur Eni Lena e cila është kujdesur për imazhin e 12 grave, në simbol të rikthimit të vetëbesimit estetik që cënohet fort te gratë që përballen me kancerin e gjirit.
Projekti është titulluar “Red Lipstick” – Tetori nuk mjafton!dhe u prezantua në nëntor j, pikërisht përtej Tetorit, i cili promovohet nga institucionet si muaji zyrtar i sensibilizimit kundër kësaj sëmundje.
Lexo edhe:
Portretet e këtyre 12 grave janë shndërruar në një kalendar për të kujtuar këdo që ka në dorë të bëjë sado pak për këtë çështje, se duhet kujdes në 12 muajt e vitit.
E gjithë puna për këtë projekt unik u prezantua gjatë një mbremje galerie pranë Qendrës së Hapur për Dialog (COD).
Gjatë fjalës së saj në mbrëmjen-galeri të mbajtur me këtë rast ideatorja dhe realizuesja e kësaj nisme u shpreh ndër të tjera se: “Ktheja koken pas nder vite dhe kuptoja se profesioni me kishte sjelle përballë shume grave ne momentet e tyre me te bukura, me te lumtura dhe caste kulminacionesh jetesore nga me te gezueshmet.
Thjesht per nje moment kuptova se kjo nuk ishte mjaftueshem! A duhej qe me ngjyrat, penelet, te kuqin e buzeve dhe te gjitha mundesite e mia te shnderroja ne nje grua konfidente vetem klientet e zakonshme qe do te merrnin pjese ne eventin e radhes?!
Ndaj vendosa te shoh pertej kesaj tradite rutinore profesionale. Vendosa te gershetoj te bukuren me gruan e forte, gruan qe nuk dorezohet, gruan qe nuk do te mposhtet, gruan qe nuk ka lidhje me spektaklin e radhes por qe po lufton per te fituar nje beteje nga ato qe s’jane edhe aq te lehta!
Sot 12 nga keto gra jane ketu. Me bindje mund t’i cilësoj si krenarinë profesionale me te madhe nder vite, tani qe kuptoj se sa me kane plotësuar shpirtërisht.
12 portretet vendosem se bashku me bashkepunetoret t’i kthejme ne një kalendar, qe te na kujtoje se cdo muaj duhet mbajme ne mendje se jeta duhet mbrojtur. Ky duhet te jete nje detyrim qe pike se pari e kemi ndaj vetes dhe padyshim ndaj atyre qe i kemi pjese te jetes dhe na duan fort.”
Prej vitesh në vendin tonë pjesa më e madhe e fushatave sensiblizuese për kancerin e gjirit në vendin tonë janë mbajtur vetëm në muajin Tetor, i cili është konsideruar edhe si “tetori rozë”. Gjatë këtij muaj institucionet dhe autoritetet ndërmarrin fushata për ndërgjegjësimin e grave për t’i nxitur ato drejt diagnostifikimit në kohën e duhur me anë të mamografisë apo ekografisë së gjirit.
Por padyshim qe ky proces duhet të jetë në fokus të të gjithëve përtej tetorit, në mënyrë që nga një muaj kurajoje për të mbrojtur shëndetin, të rrezikohet te kthehet në një periudhë ankthi për shkak të numrit te madh të diagnostikimeve, shpesh edhe në faza te avancuara të sëmundjes.
