Zona e Kukësit sërish është zgjuar nën petkun e trashë të dëborës.
Burimet bëjnë me dije se në qytet trashësia nuk i ka kaluar as 5 cm, por në zonat e thella trashësia ka arritur deri 40 cm duke shkaktuar mjaft probleme për banorët.
Zonat më të prekura nga bora në Kukës janë fshatrat Shkinak, Tërshen, Turaj, Xhafere, Kollovoz, Stanet e Novesojt e Arrën ku lëvizja në këtë zona bëhet vetëm nëpërmjet mjeteve të larta.
Lexo edhe:
Në Bashkinë Has të “zhytyra” në borë janë fshatrat si Kishaj, Cahan, Muje e Pogaj ku gjithashtu banorët kanë patur probleme me lëvizjen.
Një numër i madh banorësh vijojnë të vuajnë mungesën e energjisë elektrike pas dëmtimit të linjave nga stuhia e borës. Aktualisht Njësitë Administrative Topojan, Shishtavec, Zapod, Surroj e Kolsh në Kukës janë pa furnizim me energji.
Akset rrugore nacionale janë të qarkullueshme, por autoritet u kanë bërë thirrje qytetarëve që të marrin masat e duhura. Të mos harrojnë gomat dimërore e zingjirët.
