Ndërkohë që na ndajnë edhe pak ditë nga nisja e “Big Brother Vip”, tashmë “Panorama plus” si dhe media të tjera kanë bërë publike shumë emra personazhesh të njohur, të cilët me shumë gjasa do të jenë pjesë e formatit të famshëm.
“Big Brother” rikthehet pas 4 vitesh në ekranin e “Top Channel”, por këtë herë si kurrë më parë. Banorët do të jenë personazhe të njohur VIP. Ata do të jetojnë në kushte të pazakonta, larg luksit dhe komoditeteve të jetës së përditshme.
Së fundi është lakuar edhe emri i aktores së njohur Ema Andrea si pjesë e programit, ndërkohë që vetëm pak ditë më parë, paparazzi ynë e ka fotografuar moderatoren Arbana Osmani, teksa është takuar me Andrean.
Mes personazheve të përzgjedhur mund të jenë gjithashtu këngëtarja Beatrix Ramosaj, Kastro Zizo dhe Robert Berisha. Më parë, në rrjet janë përfolur edhe emra të tjerë.
“Panorama Plus” shkruan se përveç këngëtares Sheila Haxhiraj, pjesëmarrës do të ishte aktori i humorit, Romeo Veshaj, Semi Japupaj, Valbona Mema e Hygerta Sako.
Në 1 tetor nis transmetimi i këtij edicioni. Shtëpia do të jetë me një sipërfaqe prej 1500 metra katrorë, ndërsa çmimi i madh këtë vit do të jetë 100 mijë euro.
