Futbollisti Eros Grezda dhe partnerja e tij Oriola Marashi janë një nga çiftet më të komentuara në showbizzin shqiptar. Ata bënë publike lidhjen e tyre vetëm pak kohë më parë, pasi u izoluan një periudhë së bashku në Kroaci për shkak të COVID-19.
Përflitej se tashmë lidhja e tyre ishte zyrtarizuar dhe shumë shpejt do të këmbenin dhe unazat pasi dhe familjet e tyre ishin prezantuar me njëra tjetrën. Mirëpo një veprim i tyre së fundmi po tregon krejt të kundërtën nga ajo që ne prisnim.
Oriola nuk e ndjek më Erosin në ‘Instagram’ dhe anasjelltas. Në këto ditë rrjetet sociale tregojnë shumë pasi të dy janë mjaft aktivë në platformat online. Megjithatë në vijim do të kuptohet nëse kjo është thjesht një zënkë e momentit apo çifti është ndarë përfundimisht dhe nuk do të ketë më asnjë kontakt me njëri tjetrin.
