Sipas MeteoAlb vranësira të dendura dhe reshje shiu dominojnë orët e para të ditës në zonat veriperëndimore, POR gradualisht reshjet do të përfshijnë dhe pjesën tjetër të Shqipërisë. Në veri, verilindje dhe skajin Juglindor do kemi reshje dëbore.
Temperaturat e ajrit rriten në mëngjes dhe mesditë duke luhatur vlerat ekstremale ditore nga -2°C deri në 14°C.
Era do fryjë mesatare dhe e fortë me shpejtësi 55 km/h nga drejtimi Jugor duke krijuar në det dallgëzim 5 ballë.
Lexo edhe:
Kosova
Vijon ndikimi i motit të vranët dhe reshjeve të shiut dhe dëborës në territorin e Kosovës. Parashikohet që këto kushtet atmosferike të mbeten gjatë gjithë ditës.
Maqedonia e Veriut
Mot me vranësira të dendura dhe reshje shiu mbizotërojnë pjesën më të madhe të MV, ndërsa reshje dëbore do ketë në veri dhe lindje të saj, situatë e cila mbetet deri vonë në mbrëmje.
Rajoni dhe Evropa
Brigjet e Egjeut dhe Gadishulli Iberik do të paraqiten me kthjellime dhe vranësira kalimtare. Ndërsa gjithë pjesa tjetër e Evropës mbetet me vranësira të dendura, të cilat do të sjellin reshje shiu dhe dëbore.
