Një moment i pazakontë ka tërhequr vëmendjen e ndjekësve gjatë transmetimit të fundit të “Top Arena”.
Menjëherë pasi përfundoi intervista me të ftuarën Valbona Mhilli, moderatori Edi Manushi iu drejtua Mateo Borrit me një pyetje që ngriti dyshime se ish-banori i “Big Brother VIP Albania” nuk po ndihej mirë.
“O zotëri, jam i shqetësuar për shëndetin tënd, ti gjithë kohës qesh. Je mirë tani? Do vazhdosh apo do shkëputesh?”, e pyeti Manushi.
Lexo edhe:
Mateo u përgjigj shkurt duke thënë se do të qëndronte në studio deri në bllokun e radhës publicitar. Megjithatë, moderatori vendosi të ndërhyjë menjëherë.
“Do ta bëjmë që tani? Hajde Mateo, hajde një duartrokitje, e përcjellim Mateon. Faleminderit. Është pa qejf pavarësisht buzëqeshjes”, tha Manushi para publikut.
Pas kësaj, ai iu drejtua stafit në prapaskenë duke u kërkuar që të kujdeseshin për Mateo Borrin dhe ta shoqëronin për në shtëpi.
Nuk është bërë ende e ditur se çfarë problemi shëndetësor apo shqetësimi mund të ketë pasur Mateo, por momenti nuk kaloi pa u vënë re nga publiku, i cili reagoi menjëherë në rrjetet sociale duke u interesuar për gjendjen e tij.
