Në krye të “Listës së Vdekjeve” janë aktori Dick van Dyke, 97 vjeç dhe diplomati Henry Kissinger.
Vitin e kaluar faqja e internetit arriti të parashikojë saktë 12 nga 50 vdekje.
Pas vdekjes së Dukës së Edinburgut, lista e vitit 2022 e ka gjetur Mbretëreshën Elizabeth në vendit e 12-të, teksa vlen të theksohet se emri i saj është për herë të katërt në këtë listë.
Prezantuesi dhe gazetari Sir David Attenborough, muzikanti Shane MacGowan, aktorja Angela Lansbury dhe ish-prezantuesi amerikan Bob Barker mbeten në listë nga viti i kaluar.
Një nga njerëzit më të rinj në listë është komentatori i regbit, Nigel Starmer-Smith, 78 vjeç, i cili është për herë të parë në listë dhe është pozicionuar direkt në vendin e gjashtë.
Fytyra të tjera të reja në listën e zezë të vdekjeve janë prezantuesi televiziv Bill Turnbull, politikani italian Silvio Berlusconi, futbollistët Pele, Sir Bobby Charlton dhe Dennis Laë, si aktori Michael Gambon, i cili luajti “Eastender Arthur Fowler.”
DeathList zgjedh 50 persona të famshëm që ata besojnë se do të vdesin gjatë vitit.
Siç thuhet në faqen e tyre të internetit, rregullat e Listës së Vdekjeve janë: “Kandidatët duhet të jenë mjaft të famshëm në mënyrë që vdekja e tyre të pritet dhe të raportohet nga mediat e Mbretërisë së Bashkuar; kandidatët nuk mund të jenë të famshëm vetëm për faktin se kanë gjasa të vdesin së shpejti dhe se vetëm 25 kandidatë mund të rishfaqen nga lista e vitit të kaluar.”
Në vitin 2021, faqja parashikoi se 12 njerëz do të vdisnin, duke filluar me Princin Philip, i cili ishte numri një në listë dhe ndërroi jetë në muajin prill. Duka i ndjerë i Edinburgut kishte qenë në listën e vdekjeve gjithsej nëntë herë përpara se të vdiste. Pas Princit Philip, Golden Girl Betty White ishte në vendin e dytë në listë dhe fatkeqësisht mbylli sytë natën e Vitit të Ri.
