Një lajm i trishtë për të majtën shqiptare dhe jo vetëm. Është ndarë nga jeta ish-kryeministri dhe deputeti i PS-së, Bashkim Fino.
Vip-magazine.al mëson se Fino ka humbur jetën ditën e sotme në orët e para të mëngjesit si pasojë e COVID-19.
Bashkim Fino ishte në luftë më këtë virus prej disa javësh por që fatkeqësisht nuk mundi dot ta fitonte këtë betejë.
Prej vitit 1997 e në vazhdim është anëtar i Kryesisë së Partisë Socialiste. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik.
Fino ka mbajtur disa poste ministrore. Nga vitit 1997 deri në 1998 ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 do të ishte ministër i pushtetit lokal. Gjatë viteve 2001-2002 ka qenë Ministër i Punëve Publike dhe Turizmit. Ndërsa në periudhën 2004, Ministër i Rregullimit të Territorit dhe Turizmit.
