Lori Hoxha është një nga personazhet e cila ka folur gjithmonë hapur për shqetësimet me shëndetin mendor. Blogerja ka treguar herë pas here se ka vuajtur nga krizat e ankthit, të cilat disa momente kanë qenë të pa-menaxhueshme.
“Verë 2018. Ne ishim duke organizuar dasmën e motrës sime dhe ishim në Milano. Më kujtohet kjo ditë, sepse kisha dridhje në gjithë trupin dhe më dukej sikur dridhesha, por në fakt nuk po më ndodhte kjo gjë. Po përpiqesha shumë fort që të isha prezente. Atë mbrëmje shkuam për darkë në Nobu dhe po përdorja shkopinj dhe njëri prej tyre më ra nga dora dhe po mendoja se kisha goditje në tru, kështu që u ngrita, u largova dhe fillova të qaja në rrugë. Kjo zgjati deri në tetor, kur lëviza në Londër. Kam pasur vetëm 2 atak paniku që atëherë,” shkruan Lori në postimin e saj.
