Planeti ynë, shëndeti ynë.
Kjo është tema e përzgjedhur nga OBSH për Ditën Botërore të Shëndetit të këtij viti. Në mes të kaosit të krijuar nga pandemia, emergjencës së vazhdueshme të klimës, rritjes së niveleve të ndotjes dhe numrit të sëmundjeve, vëmendja duhet të shkojë pikërisht tek mbrojtja e planetit dhe e qytetarëve të tij.
Në këto kushte, të gjithë pyesin veten se çfarë mund të ndryshojmë për të dhënë kontributin në ndryshimin e rrjedhës së deritanishme?
Diçka që këshillohet së tepërmi është informimi i saktë, i bazuar tek kërkimet shkencore. Kështu që çdo vendim që merrni lidhur me shëndetin tuaj, të jeni sa më të qartë për çdo alternativë nga ku mund të përzgjidhni. Nga ana tjetër, praktika e reduktimit të dëmit, është një koncept që i shkon më së miri tematikës së mbrojtjes së mjedisit dhe shëndetit.
Mund të përmendim këtu shembuj ku metodat e lartpërmendura patën sukses.
Plastika njëpërdorimshe para disa viteve nuk ishte problem shqetësues. Ndaj dhe ishin mjaft të përhapura. Por, raporti mes përdorimit dhe kohës së riciklimit filloi të ishte shumë i lartë. U krijuan kështu mbetje në sasi të pakontrollueshme, e si shkak dëmi në natyrë u bë edhe më i rëndë. Përgjigja ndaj këtij problemi ishte prezantimi i alternativave që reduktonin dukshëm këtë dëm. Së fundmi, qytetarët shmangin qeset plastike në dyqane, duke përdorur cantat prej cope. Ndarja e mbetjeve sipas kategorive të riciklimit, po përfshihet në politikat e gjithmonë e më shumë shteteve. Këto ndryshime të vogla kanë ndikim të madh tek sigurimi i mbrojtjes së mjedisit.
Një tjetër shembull që mund të përmendim, lidhet me pjesën e dytë të tematikës së Ditës së Shëndetit. Është thelbësore që të kemi informacion lidhur me alternativat e mundshme të cilat reduktojnë dëmin e shkaktuar në shëndet. Duhanpirja do të ishte rasti më i mirë për të treguar si kjo mund të funksionojë. Këshilla e parë, sigurisht është që ta lini cigaren. Por për të rriturit që duan të vazhdojnë ta përdorin duhanin, ka një mundësi për të reduktuar dëmin që djegia e tij shkakton.
Bëhet fjalë për pajisjet me ngrohje apo cigaret elektronike, të cilat eliminojnë emëtimin e 95% të substancave të dëmshme të tymit të cigares. 100 nga këto kimikate toksike si monoksidi i karbonit, katrani, që gjenden tek tymi i cigares, janë shkaktare të sëmundjeve. Djegia, tek këto pajisje, eliminohet falë kërkimeve shkencore paraprake dhe teknologjisë inovative. Japonia që e provoi këtë metodë, për të pare nëse mund të menaxhonte rritjen e të rriturve duhanpirës, vuri re që kur këta të fundit, kishin alternativa të tjera, zgjidhnin atë me dëm të reduktuar.
Ndaj dhe këshilla që ne ju japim është të nisni sot. Pasi me çdo ndryshim të vogël, arrihen hapa domethënës për mbrojtjen e mjedisit dhe shëndetit.
