Autoritetet britanike vijojnë të hetojnë në lidhje me vrasjen e shqiptarit Flamur Beqiri në Londër për prishjen e pazareve të drogës dhe luftës së bandave rivale. Autori i dyshuar, 24 vjeçari Anis Fouad Hemissi, së bashku me bashkatdhetarin e tij, suedezin 23-vjeçar Baëer Karaer, Estevan Munizaga dhe Tobias Andersson kanë mohuar që të kenë lidhje me vrasjen e Beqirit më 24 dhjetor të vitit 2019.
Muajin e kaluar Hemissi deklaroi para gjykatës se ai kishte fluturuar drejt Londrës për t’u takuar me një vajzë të quajtur Nadine, të cilën e kishte njohur në internet.
Autori i vrasjes këmbëngul se ai nuk ka asnjë lidhje me vrasjen e Flamur Beqirit. Suedezi me orgjinë nga Tunizia pretendon se ai bisedonte me çdo ditë me 22-vjeçaren Nadine por nuk ishte në gjendje të siguronte prova për këtë, sepse ai kishte harruar fjalëkalimin e telefonit të tij.
Por prokurori britanik Mark Heyëood i cilësoi provat e Hemisit në lidhje me praninë e tij në Londër si “tërësisht të paqëndrueshme”. “Ai nuk është në gjendje të tregojë ndonjë komunikim me të, përveçse të thoshte se kjo ndodhi. Krejt i paaftë për të treguar ndonjë komunikimi që mund të ketë mbetur, ka deri në tre aparate celularë të ndryshëm dhe del asnjë provë që mbështet edhe ekzistencën e vajzës së quajtur Nadine. Nëse një person i tillë ekziston, ajo duhet të jetë, në rastin e tij, relativisht lehtësisht e identifikueshme”.
