Edhe pse me shumë gjasë rastësi, por dita djeshme ishte e rëndësishme për dy personazhe mjaft të njohura. Iliri Shaqiri u martua, për Donaldin tashmë nuk ka më dyshime se është rikthyer me Bora Zemanin.
Dasma e Ilirit, e raportuar si fillim nga Vip Magazine, edhe pse e parashikuar javë më parë, tashmë ndodhi dhe disa media rozë që ndajnë dhe lidhin çifte sa herë që nuk kanë lajme për të bërë, mundet të rrinë të qetë dhe të fillojnë të mendojnë se kush është çifti i radhës që do të ndajnë.
Shumë personazhe të njohur ishin të ftuar në dasmën e Ilirit, megjithatë më shumë se kush ishte i pranishëm, vëmendjen e mori mungesa e “vëllait” të Ilirit gjatë kohës së Big Brother, Sabiani.
Janë ende të paqarta motivet që çuan në prishjen e një miqësie kaq të madhe të shprehur mes tyre në kohën e Big Brother Vip, por në ditën më të rëndësishme të tij, Sabiani nuk ishte i pranishëm.
Çdo gjë mund të ishte menduar por se Sabiani dhe Iliri nuk do ishin më miq, kjo i ka habitur të gjithë. Të njëjtë gjë mund të themi edhe për finalistin tjetër të Big Brother Vip, Donaldin, i cili gjatë atij edicioni ishte personazhi më i përfolur.
Në fillim ishte puthja e famshme që çoi peshë të gjithë shqiptarët dhe bëri që edhe atë që e kishin humbur shpresën tek dashuria e vërtetët, ta mendoni edhe një herë ekzistencën e saj.
Por akoma pa ikur shija e një puthje aq të famshme, Donaldi u hodh në krahët e këngëtares së njohur, Beatrix Ramosaj, e cila ishte edhe ajo banore e Big Brother Vip.
Megjithatë, lidhja e tyre nuk zgjati gjatë dhe pas lëkundjeve që brenda shtëpisë, ata i dhanë fund asaj lidhje sapo përfundoi Big Brother Vip.
Iliri dhe Donaldi thyen të gjithë pritshmëritë e publikut pas daljes së Big Brother Vip. Donaldi dhe Bora duket se kanë lënë pas të shkuarën e afërt dhe i janë rikthyer edhe një herë lidhjes së tyre, e këtë herë ndoshta nën moton: Shansi i fundit.
Ditën e djeshme ata janë fotografuar, foto të publikuar nga media Kryefjala.al, së bashku nëpër dyqane në Itali.
Ndërsa, në ditën më të rëndësishme të tij, Ilir nuk kishte pranë vëllain e bërë rishtazi në Big Brother Vip, ku gjatë qëndrimit të tij në shtëpi, janë të panumërta rastet kur derdhte lot për Sabianin.
Megjithatë, gjërat në jetë nuk ecin siç i mendon por e sigurt është se televizioni është një gënjeshtër e madhe.
/Vip-magazine.al/
